Rememba S90, S90 skank, Bighead? Dollying thru traffic with a rider and pillon effortlessly woven into one person Use of Horn a no no! Old people and tourists turning away anticipating a crash from going thru a 12 inch gap and doing so w/fraction of a inch to spare! Jolly bus man seems he wanted to make a touch! S90 crashes leaving a matchbox size pile of metal and rubber, rider escapes unharmed, lost his spliff! S90 outrun babylon squad car escaping into thin air! Hollywood stuntmen classifying such feats as camera tricks! Honda can't keep up with the demand! Uptown youths can't touch dis - affi settle wid a soup-up Cortina! S90 skank Rule all party, session & dancehall BigYouth - "Yu ride like lightning yu crash like thunder"
Wonda if any S90 crew on pon di forum? S90 those were the days, Hollywood can't touch dis.
_________________________
One possible reason why things are not going according to plans is there never was a plan
a know it a know it like christmas I sank my teeth into some real jackass corn for the 1st time in many moons and couple months ago I bought some staggaback at a yard bakery in florida how time flies
_________________________
One possible reason why things are not going according to plans is there never was a plan
cho who can remember scorn the wall nuff wan tear off the shoulder and the arrows shirt a walk as close to the wall as possible with a wiked screw face an thing
For this a roach inna di Corner Man a how dem come on yah!
or you memba
Long time I nuh DJ inna Dance Long time I nuh chant inna Dance Me come fi Nice up di Area Me sey dance hafi cork Liquor sell off Promoter and him Idrens dem a laugh How dem laugh Trala Lala Lala Laaa.....
yes Guidance........dem days...bwoyyyy mi a tell yu...and this 'Technologically advacned world going to make things better? *life happpier)...I can't and will never be convinced...of that crap...dem probably have a robot fi crack di jackass cawn fi people now...of course taking out the real flavour of the food (the excitement of pushing your teeth to the brink of extinction ) trying to crack the cookie ...I bet you bought that at Charley's Pastries ...they do make some good treats there
yeh Badd the donkeycorn was homemade but the staggb'- Charley's ring a bell, shopping mall in LauderD. When last yu eat some tun cornmeal or some Blue D(in banana leaf), some a dem "Post IMF" youth yah nuh nough bout dem delicacies deh, heh! All dem nough bout is pizza, bagel and coffee! No wonder dem can't run fi 90 minutes!
_________________________
One possible reason why things are not going according to plans is there never was a plan
Originally posted by Guidance: yeh Badd the donkeycorn was homemade but the staggb'- Charley's ring a bell, shopping mall in LauderD. When last yu eat some tun cornmeal or some Blue D(in banana leaf), some a dem "Post IMF" youth yah nuh nough bout dem delicacies deh, heh! All dem nough bout is pizza, bagel and coffee! No wonder dem can't run fi 90 minutes!
Schmack Guidance......... Charleys Pastries, Lauderhill Mall , 16th Street Ft. Lauderdale, West Palm Beach...yeah mann....meget my blue unmentionables every year via a brother in Canada who make his yuletide visits dung a yawd annually .My potato pudden and gizzada criss everytime too.Hey Guidance....don't stawt think seh man nuh tun di yellows a farrin...when I came to the U.S. the 'Street of Gold' was already moulded into.......
VUL HANNNA* *
[This message has been edited by baddas (edited 01-09-2002).]
Heh Badd when last yu "row a boat" wid some idrin, wid some quality saltfish and ackee and some extra firm 4 inch diameter cornmeal dumps' and then chill till time fi roll ball? And wash that down wid some THICK soursop, I mean blub style. btw there is a roots place beside that Charley's place that make some a best roots punch this side a yawd, dem Ready mi a tell yu!! A Dem a di Bomb!
_________________________
One possible reason why things are not going according to plans is there never was a plan
EZ Guidance mi fren mi and a Jamaican breddrin row boat all a place like Papua New Guinea...dem mek dem dumpliing like Jamaican ....summady seh tun cornmeal a dog food...(BWAYYY CERTAIN YAWDIE MI A TELL YU)....yes Guidance...same place ...some good roots punch bass. Island Grill crass di road fram desso.
a hear yu Badd to each his own still yu know mi if is mi structure mi building gimme di Blue D', di dumps & Turnas and keep di sweety sweety drops tambrin and cake as a defender mi affi solid, sugar can't do dat fi 90 mins btw yu hear the story bout Busta M and the pot a dumps!!!
_________________________
One possible reason why things are not going according to plans is there never was a plan
Boss mi musi stuck ina di pass cawse mi still ah gwan wid dem tings dat uuno a memba bout. every now and den mi "sink a ship" pon di grill ina di backyard mi woulda bus a wood fire but dem yah regulation a farin would a charge mi fi illegal fire. Mi all roast two fish ina di fireplace one winter..ah guess mi jus bush-man like dat.
_________________________ REGGAEBOYZ. A WORK IN PROGRESS. 1998 mustn't remain a fluke, we must repeat.
and some extra firm 4 inch diameter cornmeal dumps' and then chill till time fi roll ball
Yow Guideance ...Cart-wheel or keg dem name sah. bout 4 inch dia-wha. Nothing nuh sweeter dan two pound a chiken chasis and some spinners cook down unda a tree and some dutty wash fi mek it go down while a lik two bones till time fi play ball.
_________________________ REGGAEBOYZ. A WORK IN PROGRESS. 1998 mustn't remain a fluke, we must repeat.
mi and di chickneckback neva gree too much oil mi use di 4" fi mek it plain, a nuff man affi si dentist afta tackling a well made harcore dump Yeah mon Busta was a serious dumpsman, im nuh skinup Memba dominoe use to lick till balltime and some man couldn't wakeup, iggaritis set in!!!! wat a bout when 'Mante oops Chief get the "big" increase fi di sugarworkers. im tell dem to deafening applause "wi get di increase, tupance fi you and chupance fi di union(fi im)". A wonda if any a di jffcrew were schooled in "b.i.t-U"!!!!
[This message has been edited by Guidance (edited 01-10-2002).]
_________________________
One possible reason why things are not going according to plans is there never was a plan
and the dutty screwface
.My potato pudden and gizzada criss everytime too.Hey Guidance....don't stawt think seh man nuh tun di yellows a farrin...when I came to the U.S. the 'Street of Gold' was already moulded into.......
